الكيش بالكفتة

بسم الله الرحمان الرحيم

الكيش بالكفتة

لآختي الغالية أم آبتهال

جزاها الله الف خير

الكيش بالكفتة

 كيجي لديد و كانت عليه طلبات كثيرة و نتمنى يعجبكم و لكن تيقو بيا كيجي لديد.

مقادير العجين بريزي

200غ الدقيق الابيض+100غ الزبدة بحرارةالمطبخ+شويةالملح+شويةالابزار+بيضة كاملة

الطريقة:

نخلطو الزبدة و الدقيق و الملح و ابزار يعني نرملوها و تدخل الزبدة في الدقيق ثم نضيفو البيضة و نجمعوها و نغطيوها ببلاستيكة و ندخلها الثلاجة لمدة نصف ساعة ;و نخرجوها و نطيبوها نصف طيبة تبقى بيضة اللون و نخليوها على جنب

 و ندوزو نحضرو الحشوة ليفيها
بصلة مشلدة رقيقة +125الكفتة+ جزرة محكوكة+معدنوس مقطع+شوية ابزار+مليحة+شوية الكوزة محكوكة+قليل من الزيت الزيتون.

نشحرو البصلة في الزيت حتى تدبل نضيف ليها الجزرة محكوكةو نشحرهم مزيان ثم نضيف عليهم الكفتة منين تنضج و ميبقاش فيها الماء نطفي عليها العافية ونضيف المعدنوس و نخليها تبرد و ندوزو لتحضير الخليط المكون من 4 البيضات +شوية الكوزة محكوكة+ابزار+مليحة و حك دانون مسوس و نخلطو مزيان و نضيفو ليها الحشو

و نفرغو الخليط في العجين ليطيبنا نصف طيبة ونحك عليهم فرماج احمر و ندخلهم الفرن ساخن من قبل و العافية تكون شاعلة من التحت حتى تنضج و نطفي العافية ونشعل الفوق باش تحمر

و بالصحة و الراحة.